നെന്മാറ: നെന്മാറ എക്സൈസ് റേഞ്ച് ടീമിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ വാഹനപരിശോധനയിൽ അനധികൃതമായി സ്കൂട്ടറിൽ കടത്തിക്കൊണ്ടുവന്ന് 12 ലിറ്റർ ഇന്ത്യൻ നിർമ്മിത വിദേശ മദ്യവും ഹോണ്ട ഡിയോ സ്കൂട്ടറും പിടികൂടി. ഇതുമായി ബന്ധപ്പെട്ട് അയിലൂർ പഞ്ചായത്ത്,പാളിയമംഗലം, പുത്തൻവീട്ടിൽ കൃഷ്ണൻകുട്ടി മകൻ സുഭാഷ് 35 വയസ്സ്- പ്രതിചേർത്ത് കേസെടുത്തു. പാളിയമംഗലം ഭാഗത്ത് മദ്യവിൽപ്പന നടത്തിയതുമായി ബന്ധപ്പെട്ട് സുഭാഷിൻ്റെ പേരിൽ മുൻപ് 2 കേസ്സുകൾ നെന്മാറ എക്സൈസ് റേഞ്ചിൽ രജിസ്റ്റർ ചെയ്തിട്ടുണ്ട്. സുഭാഷ് മദ്യം കടത്തിക്കൊണ്ടുവരുന്നു എന്ന വിവരമന്വേഷിച്ചെത്തിയ എക്സൈസ് ഉദ്യോഗസ്ഥരെ കണ്ട് പ്രതി സ്കൂട്ടർ വഴിയിലുപേക്ഷിച്ചു ഓടി പോയതിനാൽ പിടികൂടാനായില്ല. പ്രതിയെ ഉടൻ പിടികൂടാൻ ഉള്ള നടപടികൾ എടുത്തു വരുന്നതായി ഉദ്യോഗസ്ഥർ അറിയിച്ചു. തൊണ്ടിമുതലുകൾ കോടതിയിൽ ഹാജരാക്കി. നെന്മാറ അസിസ്റ്റൻറ് എക്സൈസ് ഇൻസ്പെക്ടർ കെ. നിഷാന്ത്, പ്രിവന്റീവ് ഓഫീസർമാരായ ജി.പ്രഭ , എം.എൻ. സുരേഷ് ബാബു, എം സതീഷ് കുമാർ , സിവിൽ എക്സൈസ് ഓഫീസർമാരായ മുഹമ്മദ് റിയാസ്, സി. തേജസ്, സുജിത്ത്.എം, സന്ധ്യ.എസ്, ഷീജ .വി എന്നിവർ റെയ്ഡിൽ പങ്കെടുത്തു.
▂▂▂▂▂▂▂▂▂▂▂▂▂▂▂▂▂
മംഗലംഡാം മീഡിയ വാർത്തകൾ നിങ്ങളുടെ ഫോണിൽ ലഭ്യമാകുവാൻ ഇതിൽ ക്ലിക്ക് ചെയ്ത് ഗ്രൂപ്പിൽ ജോയിൻ ചെയ്യുക.
Similar News
കുട്ടികളെ കണ്ടെത്തി.
നടൻ ഇന്നസെന്റ് അന്തരിച്ചു.
വടക്കഞ്ചേരി അപകടത്തിന്റെ ഞെട്ടൽ മാറാതെ; കെഎസ്ആർടിസി യാത്രക്കാരനായ പ്രജിത്തിന്റെ വാക്കുകൾ.