കിഴക്കഞ്ചേരി: പാലക്കുഴിയിൽ കാട്ടാനയിറങ്ങി വനംവകുപ്പിന്റെ ക്യാമ്പ് ഓഫീസ് തകർത്തു. ഒളകര ഫോറസ്റ്റ് സ്റ്റേഷന് കീഴിലെ എ.പി.സി. ക്യാമ്പ് ഓഫീസാണ് വ്യാഴാഴ്ച രാത്രി തകർത്തത്. വനമേഖലയിലെ മൃഗവേട്ട തടയുന്നതിനായാണ് ക്യാമ്പ് ഓഫീസ് നിർമിച്ചത്. ഓഫീസിന്റെ ജനലുകളും വാതിലുകളും അടുക്കളഭാഗവും തകർത്തു.
രണ്ട് ദിവസം മുമ്പുവരെ വനംവകുപ്പ് ജീവനക്കാർ ഇവിടെ താമസിച്ചിരുന്നു. പാലക്കുഴി പി.സി.എ. മേഖലയിലും കാട്ടാനയിറങ്ങി വ്യാപകമായി കൃഷി നശിപ്പിച്ചിരുന്നു. സംഭവമറിഞ്ഞ് സെക്ഷൻ ഫോറസ്റ്റ് ഓഫീസർ കെ. റിയാസ്, എ.എച്ച്. ലജിൻ, ബീറ്റ് ഫോറസ്റ്റ് ഓഫീസർമാരായ കെ.എ. മഹേഷ് കുമാർ, കെ.ടി. ജോഷി, വാച്ചർ ശെൽവരാജ് എന്നിവർ സ്ഥലത്തെത്തി.
▂▂▂▂▂▂▂▂▂▂▂▂▂▂▂▂
മംഗലംഡാം മീഡിയ വാർത്തകൾ തുടർന്നും ലഭിക്കുവാൻ ജോയിൻ ചെയ്യൂ.
Similar News
മംഗലംഡാം വലതുകര കനാലിലൂടെ ഇന്നു വെള്ളം തുറന്നുവിടും.
ആലിങ്കൽ വെള്ളച്ചാട്ടം സന്ദർശിക്കാനെത്തിയ 17-കാരൻ തിപ്പിലിക്കയം വെള്ളക്കെട്ടിൽ മുങ്ങിമരിച്ചു
വടക്കഞ്ചേരി ബസ് സ്റ്റാൻഡ് തെരുവുനായ്ക്കളുടെ താവളമാകുന്നു