വടക്കഞ്ചേരി: ദേശീയപാത വടക്കഞ്ചേരി മേല്‍പ്പാലത്തില്‍ പൊളിച്ച്‌ പണി തുടരുന്നു. തൃശൂര്‍ ഭാഗത്തേക്കുള്ള പാലത്തില്‍ ബുധനാഴ്ച വീണ്ടും കുത്തിപൊളിച്ചു.
നിലവില്‍ പാലക്കാട് ഭാഗത്തേക്കുള്ള പാലത്തില്‍ മൂന്നിടത്തും തൃശൂര്‍ ഭാഗത്തേക്കുള്ള പാലത്തില്‍ രണ്ട് സ്ഥലത്തും പണി നടക്കുന്നുണ്ട്. ഇരു പാലങ്ങളിലും ഭാഗികമായി ഗതാഗത നിയന്ത്രണമുണ്ട്‌.
പാലം പൊളിച്ച്‌ പണിയുന്നതിന്റെ ഭാഗമായി കഴിഞ്ഞ ദിവസം പാലക്കാട് ഭാഗത്തേക്കുള്ള പാലത്തില്‍ പൂര്‍ണമായി ഗതാഗതം നിരോധിച്ചിരുന്നു. സര്‍വീസ് റോഡ് വഴിയാണ് വാഹനങ്ങള്‍ കടത്തിവിട്ടത്. മേല്‍പാലത്തിന്റെ സ്ലാബുകള്‍ തമ്മില്‍ യോജിക്കുന്ന ഭാഗത്ത് വാഹനങ്ങള്‍ കടന്നുപോകുമ്പോള്‍ കുലുക്കം അനുഭവപ്പെട്ടതിനെ തുടര്‍ന്ന് ഈ ഭാഗം കുത്തി പൊളിച്ച്‌ ഇരുമ്പ് റാഡ് വച്ച്‌ വീണ്ടും കോണ്‍ക്രീറ്റ് ചെയ്യുകയാണ് ചെയ്യുന്നത്. പാലം ഗതാഗതത്തിന് തുറന്നു കൊടുത്ത ശേഷം മുപ്പതോളം സ്ഥലത്ത് പൊളിച്ച്‌ പണിതിട്ടുണ്ട്.
ഒരിക്കല്‍ പണിത സ്ഥലം വീണ്ടും തകര്‍ന്ന് ഇരുമ്ബ് റാഡുകള്‍ പുറത്തേക്ക് വന്ന് അപകട ഭീഷണി ഉയര്‍ത്തുമ്ബോള്‍ ഈ ഭാഗം വീണ്ടും കുത്തി പൊളിക്കേണ്ടതായി വരുന്നത്. നിര്‍മാണത്തിലെ അപാകമാണ് പാലം പൊളിച്ച്‌ പണിയേണ്ടതായി വരാന്‍ കാരണം. 2021 ഫെബ്രുവരി ആറിനാണ്‌ വടക്കഞ്ചേരി മേല്‍പ്പാലം ഗതാഗതത്തിനായി തുറന്നു കൊടുത്തത്.
▂▂▂▂▂▂▂▂▂▂▂▂▂▂▂▂
മംഗലംഡാം മീഡിയ വാർത്തകൾ തുടർന്നും ലഭിക്കുവാൻ ജോയിൻ ചെയ്യൂ.
Similar News
നാല് ചക്ര ഓട്ടോ ടാക്സി വാഹനങ്ങൾക്ക് സൗജന്യ പാസ് നൽകണം ; പന്നിയങ്കരയിൽ പ്രതിഷേധം
KSRTC ഡ്രൈവർക്ക് ദേഹാസ്വാസ്ഥ്യം; യാത്രക്കാരെ സുരക്ഷിതമാക്കി വാഹനം ഒതുക്കി നിർത്തി.
വടക്കഞ്ചേരി-മണ്ണുത്തി ദേശീയ പാതയിൽ 3 വർഷത്തിനുള്ളിൽ 20 പേരുടെ ജീവൻ പൊലിഞ്ഞു, നിർമ്മാണം പൂർത്തിയാക്കാതെ ടോൾ പിരിക്കാൻ കമ്പനി.