ദേശീയ ഗെയിംസിൽ സോഫ്റ്റ് ടെന്നീസ് ടീമിനെ മംഗലംഡാം സ്വദേശിനി ആര്യ നയിക്കും

മംഗലം ഡാം : ഗുജറാത്തിൽ നടക്കുന്ന 36-ാം ദേശീയ ഗെയിംസിൽ പങ്കെടുക്കുന്ന കേരള ടീം തിങ്കളാഴ്ച യാത്ര തിരിക്കും. വനിതാ ടീമും മിക്സഡ് ഡബിൾസ് ടീമുമാണ് ഗെയിംസിൽ പങ്കെടുക്കാൻ യോഗ്യത നേടിയത്. ഏഴ് മുതൽ 11 വരെയാണ് മത്സരം. തികഞ്ഞ മെഡൽ പ്രതീക്ഷയോടെയാണ് 10 അംഗ സംഘം യാത്ര തിരിക്കുന്നത്. സോഫ്റ്റ് ടെന്നീസ് ഏഷ്യൻ ഗെയിംസ് മത്സര ഇനമാണെങ്കിലും ദേശീയ ഗെയിംസിൽ ആദ്യമായാണ് ഉൾപ്പെടുത്തിയത്. ടീമിനെ ഇരിങ്ങാലക്കുട ക്രൈസ്റ്റ് കോളേജിലെ രണ്ടാം വർഷ എം കോം വിദ്യാർഥിയായ മംഗലംഡാം കല്ലാനക്കര സ്വദേശിനി സി ജി ആര്യ നയിക്കും. ജെ ചൈതന്യയാണ് വൈസ് ക്യാപ്റ്റൻ .

മംഗലംഡാം മീഡിയ വാർത്തകൾ തുടർന്നും ലഭിക്കുവാൻ ജോയിൻ ചെയ്യൂ.