✒️ബെന്നി വർഗീസ്
ചിറ്റിലഞ്ചേരി: ചിറ്റിലഞ്ചേരിയിൽ ഗോഡൗണിൽ സൂക്ഷിച്ചിരുന്ന ഒന്നരക്കോടി രൂപയുടെ ലഹരിപദാർത്ഥങ്ങൾ പിടികൂടി. ഇന്ന് പുലർച്ചെ പന്ത്രണ്ടരക്കാണ് സംഭവം. സംഭവത്തിൽ മൂന്നുപേരെ അറസ്റ്റ് ചെയ്തു. മംഗലംഡാം വക്കാല സ്വദേശി സുദേവൻ 41, ഇടുക്കി സ്വദേശികളായ രഞ്ജിത്ത് 27, മനോജ് 30 എന്നിവരെയാണ് ആലത്തൂർ, കൊല്ലംകോട്, പാലക്കാട് എക്സൈസ് ഉദ്യോഗസ്ഥരുടെ നേതൃത്വത്തിൽ നടത്തിയ പരിശോധനയിൽ അറസ്റ്റ് ചെയ്തത്.
ഇഞ്ചി കൃഷി നടത്തുന്നതിനായി വാടകയ്ക്ക് എടുത്ത സ്ഥലത്ത് അയൽ സംസ്ഥാനങ്ങളിൽ നിന്ന് സാധനം എത്തിച്ചാണ കച്ചവടം നടത്തുന്നത്. വെളുത്തുള്ളി കൊണ്ടുവരുന്നതിന്റെ മറവിൽ കൊണ്ടുവന്ന 336 ചാക്ക് ഹാൻസും, 324 പെട്ടികളിലായി സൂക്ഷിച്ച ഹാൻസ് കൊണ്ടുവരാൻ ഉപയോഗിച്ച ലോറി ഉൾപ്പെടെ എക്സൈസ് കസ്റ്റഡിയിലെടുത്തു.
എക്സൈസ് ഡെപ്യൂട്ടി കമ്മീഷണർക്ക് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് വൻ ശേഖരം പിടികൂടിയത്. ആലത്തൂർ എക്സൈസ് ഇൻസ്പെക്ടർ ജയപ്രസാദ്, പ്രവണ്ടി ഓഫീസർമാരായ പി എസ് സുമേഷ്, ശ്രീകുമാർ, മനോഹരൻ, അരവിന്ദാക്ഷൻ, രതീഷ്ര,ഞ്ജിത്ത്, ചന്തമര, വിനു കുമാർ എന്നിവർ പരിശോധനയ്ക്ക് നേതൃത്വം നൽകി. പിടികൂടിയ ലഹരിപദാർത്ഥങ്ങളും പ്രതികളെയും ആലത്തൂർ പോലീസിന് കൈമാറി.
Similar News
വടക്കഞ്ചേരിയില്‍ വിഷു തിരക്ക് മുതലെടുത്ത് മോഷണം; വധുവിൻ്റെ വസ്ത്രങ്ങളങ്ങിയ ബാഗ് മോഷ്ടിച്ച പ്രതി പിടിയിൽ.
കാരപൊറ്റ പട്ടികാളി അയ്യപ്പൻ കാവിൽ ക്ഷേത്രത്തിൽ മോഷണം.
പൊലീസിന് ആശ്വാസം, മൂന്ന് ദിവസത്തെ കാത്തിരിപ്പിനൊടുവില്‍ മുത്തപ്പന്റെ വയറ്റില്‍ നിന്ന് തൊണ്ടിമുതല്‍ പുറത്തെത്തി.