മംഗലം ഡാം: വണ്ടാഴിയില്‍ പീഡനത്തിനിരയായി പതിനാലു വയസുകാരി ആത്മഹത്യ ചെയ്ത സംഭവത്തില്‍ ഒളിവില്‍ കഴിഞ്ഞിരുന്ന യുവാവിനെ ചെന്നൈയില്‍ നിന്നും പോലീസ് സംഘം അറസ്റ്റു ചെയ്തു.വണ്ടാഴി സികെ കുന്ന് പേഴുംക്കുറ അഫ്സല്‍ (22) നെയാണ് വടക്കഞ്ചേരി സിഐ കെ.പി. ബെന്നി, മംഗലംഡാം എസ്‌ഐ ജമേഷ്, ഡിവൈഎസ്പിയുടെ ക്രൈം സ്ക്വാഡ്, എഎസ്‌ഐ അനന്തകൃഷ്ണന്‍, സീനിയര്‍ സിവില്‍ പോലീസ് ഓഫീസര്‍ സസീമ എന്നിവരുടെ നേതൃത്വത്തിലുള്ള പോലീസ് സംഘം പിടികൂടിയത്.കോടതിയില്‍ ഹാജരാക്കി കൂടുതല്‍ അന്വേഷണങ്ങള്‍ക്കായി പ്രതിയെ കസ്റ്റഡിയില്‍ വാങ്ങുമെന്ന് സിഐ ബെന്നി പറഞ്ഞു. പോക്സോ കേസിനു പുറമെ തട്ടിക്കൊണ്ടു പോകലിനും ആത്മഹത്യാ പ്രേരണക്കും കേസെടുത്തിട്ടുണ്ട്. ചെന്നൈയില്‍ സുഹൃത്തിന്‍റെ സഹായത്തോടെ ചോളി എന്ന സ്ഥലത്താണ് യുവാവ് ഒളിവില്‍ കഴിഞ്ഞിരുന്നത്. കഴിഞ്ഞ 28നാണ് വീട്ടിലെ കിടപ്പുമുറിയില്‍ ഫാനില്‍ തൂങ്ങിയ നിലയില്‍ പെണ്‍കുട്ടിയെ കണ്ടെത്തിയത്.
Similar News
KSRTC ഡ്രൈവർക്ക് ദേഹാസ്വാസ്ഥ്യം; യാത്രക്കാരെ സുരക്ഷിതമാക്കി വാഹനം ഒതുക്കി നിർത്തി.
വടക്കഞ്ചേരി-മണ്ണുത്തി ദേശീയ പാതയിൽ 3 വർഷത്തിനുള്ളിൽ 20 പേരുടെ ജീവൻ പൊലിഞ്ഞു, നിർമ്മാണം പൂർത്തിയാക്കാതെ ടോൾ പിരിക്കാൻ കമ്പനി.
മുറിക്കുള്ളിൽ കുടുങ്ങിയ കുഞ്ഞിനെ രക്ഷിച്ചു.