വടക്കേഞ്ചേരി : “പോക്കറ്റ് റോഡുകളില്‍നിന്നു മെയിൻ റോഡിലേക്ക് പ്രവേശിക്കുന്ന ഭാഗങ്ങളില്‍ കടകളുടെയും മറ്റു സ്ഥാപനങ്ങളുടെയും ബോര്‍ഡുകള്‍ സ്ഥാപിക്കുന്നതുമൂലം കാഴ്ച മറച്ച്‌ വാഹനങ്ങള്‍ക്ക് തിരിഞ്ഞു പോകാൻ ബുദ്ധിമുട്ടുണ്ടാക്കുന്നതായി പരാതി.ബോര്‍ഡുകള്‍ ടാര്‍ റോഡിലേക്ക് കയറ്റിവയ്ക്കുന്നതാണ് പ്രശ്നമാകുന്നത്. ഇതിനാല്‍ ഇടതു വലതു ഭാഗങ്ങളില്‍ നിന്നും മറ്റു വാഹനങ്ങള്‍ വരുന്നുണ്ടോ എന്ന് നോക്കാൻ പോക്കറ്റ് റോഡുകളില്‍ നിന്നുള്ള വാഹന ഡ്രൈവര്‍മാര്‍ക്ക് കഴിയുന്നില്ല. ഇതിനാല്‍ വാഹനം മെയിൻ റോഡിലേക്ക് കയറ്റി നിര്‍ത്തി വേണം ഇടവഴികളില്‍ നിന്നും വരുന്ന വാഹനങ്ങള്‍ക്ക് മെയിൻ റോഡില്‍ മറ്റു വാഹനങ്ങള്‍ വരുന്നില്ല എന്ന് ഉറപ്പു വരുത്തി പോകാൻ. ഇങ്ങനെ വാഹനങ്ങള്‍ കയറ്റി നിര്‍ത്തുന്നത് ചിലപ്പോള്‍ അപകടങ്ങള്‍ക്കും കാരണമാകുന്നുണ്ട്. മംഗലത്ത് വില്ലേജ് ഓഫീസ് റോഡില്‍ നിന്നും ദേശീയപാതയുടെ സര്‍വീസ് റോഡിലേക്ക് തിരിയുന്നിടത്തും വള്ളിയോട് തേവര്‍കാട് കണ്‍വൻഷൻ സെന്‍ററിനു സമീപം തുടങ്ങി നിരവധി സ്ഥലങ്ങളിലാണ് ഇത്തരത്തില്‍ റോഡിലേക്ക് കയറ്റി ബോര്‍ഡുകള്‍ സ്ഥാപിച്ച്‌ വാഹനങ്ങള്‍ക്ക് ബുദ്ധിമുട്ടുണ്ടാക്കുന്നത്. ചിലയിടങ്ങളില്‍ റോഡ് സൈഡിലെ മരങ്ങളും ചെറിയ റോഡുകളില്‍ നിന്നുള്ള വാഹനങ്ങള്‍ക്ക് കാഴ്ച തടസപ്പെടുത്തുന്ന സ്ഥിതി ഉണ്ടാക്കുന്നുണ്ട്.”
കാഴ്ച മറച്ച്‌ പരസ്യബോര്‍ഡുകള്‍; അപകടസാധ്യത കൂടി
Similar News
നാലുചക്ര ഓട്ടോറിക്ഷകളുടെ സൗജന്യം പിൻവലിച്ചു
നാല് ചക്ര ഓട്ടോ ടാക്സി വാഹനങ്ങൾക്ക് സൗജന്യ പാസ് നൽകണം ; പന്നിയങ്കരയിൽ പ്രതിഷേധം
KSRTC ഡ്രൈവർക്ക് ദേഹാസ്വാസ്ഥ്യം; യാത്രക്കാരെ സുരക്ഷിതമാക്കി വാഹനം ഒതുക്കി നിർത്തി.