വടക്കഞ്ചേരിയിൽ ഓടിക്കൊണ്ടിരുന്ന ലോറിയുടെ സ്റ്റെപ്പിനി ടയർ ഊരി തെറിച്ച് കാർ യാത്രക്കാരിക്ക് പരിക്കേറ്റു.

വടക്കഞ്ചേരി: ഓടിക്കൊണ്ടിരുന്ന ലോറിയുടെ സ്റ്റെപ്പിനി ടയർ ഊരി തെറിച്ച് കാർ യാത്രക്കാരിക്ക് പരിക്കേറ്റു. കാറിൽ യാത്ര ചെയ്തിരുന്ന തൃശൂർ ചേറംകുളം സ്വദേശിയായ പുഷ്പ്പയ്ക്കാണ് (65) പരിക്കേറ്റത്. കൈക്ക് പരിക്കേറ്റ ഇവരെ വടക്കഞ്ചേരിയിലുള്ള സ്വകാര്യ ആശുപത്രിയിൽ പ്രവേശിപ്പിച്ചു. വടക്കഞ്ചേരി-മണ്ണുത്തി ദേശീയപാതയിൽ പന്നിയങ്കരയിലാണ് ഇന്ന് രാവിലെ 8 മണിയോടെ അപകടം ഉണ്ടായത്. തൃശൂർ ഭാഗത്തോട്ട് പോയിക്കൊണ്ടിരുന്ന ലോറിയുടെ സ്റ്റെപ്പിനി ടയറും, ജാക്കിയും ഊരിത്തെറിച്ച് റോഡിൽ വീണ ശേഷം ഉയർന്നുപൊങ്ങി ഇതേ ദിശയിൽ പോവുകയായിരുന്ന കാറിന്റെ മുകളിൽ വീഴുകയായിരുന്നു. കാറിന്റെ മുൻവശം ഭാഗികമായി തകർന്നു. റോഡിനും ചെറിയതോതിൽ കേടുപാടുകൾ ഉണ്ടായി.