വടക്കഞ്ചേരി: കാരയങ്കാട്ടിൽ വീട്ടിൽ നിർത്തിയിട്ടിരുന്ന സ്കൂട്ടർ കവർന്ന കേസിൽ രണ്ടുപേരെ വടക്കഞ്ചേരി പോലീസ് പിടികൂടി. ഇവർ തമിഴ്‌നാട്ടിലെ വാഹനമോഷണസംഘത്തിലുൾപ്പെട്ടവരാണെന്ന് പോലീസ് പറഞ്ഞു. തിരുവനന്തപുരം തിരുമല പുത്തൻവീട്ടിൽ വിഷ്ണു (23), കോയമ്പത്തൂർ സൂലൂർ പള്ളിവാസൽത്തെരുവ് മുഹമ്മദ് അസ്ലാം റിയാസുദ്ദീൻ (26) തുടങ്ങിയവരാണ് അറസ്റ്റിലായത്.
കാരയങ്കാട് ഗാന്ധിനഗർ നാലുംകെട്ട് വീട്ടിൽ അൽത്താഫിന്റെ സ്കൂട്ടറാണ് കവർന്നത്. നവംബർ ആറിനായിരുന്നു സംഭവം. സി.സി.ടി.വി. ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിൽ, മോഷ്ടിച്ച സ്കൂ‌ട്ടറിൽ പോകുന്നതിനിടെ പ്രതികളെ പിടികൂടുകയായിരുന്നു.
കാരയങ്കാട് പാറക്കുണ്ടിൽ പി.ആർ. സുബിയുടെ ബൈക്ക് കവർന്നശേഷം വഴിയിൽ ഉപേക്ഷിച്ചതും ഇവരാണെന്ന് സമ്മതിച്ചതായി വടക്കഞ്ചേരി പോലീസ് പറഞ്ഞു.
പ്രതികളെയും കൂട്ടി പോലീസ് സംഭവസ്ഥലത്ത് തെളിവെടുപ്പ് നടത്തി. കോട്ടയം വെസ്റ്റ് പോലീസ് സ്റ്റേഷൻ പരിധിയിൽ നിന്നു ഇവർ ബൈക്ക് കവർന്നതായും കണ്ടെത്തി. സംഭവത്തിൽ കൂടുതൽ പ്രതികളുള്ളതായി വടക്കഞ്ചേരി പോലീസ് പറഞ്ഞു.
Similar News
വടക്കഞ്ചേരിയില്‍ വിഷു തിരക്ക് മുതലെടുത്ത് മോഷണം; വധുവിൻ്റെ വസ്ത്രങ്ങളങ്ങിയ ബാഗ് മോഷ്ടിച്ച പ്രതി പിടിയിൽ.
കാരപൊറ്റ പട്ടികാളി അയ്യപ്പൻ കാവിൽ ക്ഷേത്രത്തിൽ മോഷണം.
പൊലീസിന് ആശ്വാസം, മൂന്ന് ദിവസത്തെ കാത്തിരിപ്പിനൊടുവില്‍ മുത്തപ്പന്റെ വയറ്റില്‍ നിന്ന് തൊണ്ടിമുതല്‍ പുറത്തെത്തി.