വടക്കഞ്ചേരി സപ്ലൈക്കോ സൂപ്പർ മാർക്കറ്റിൽ മോഷണം നടത്തിയ പ്രതികൾ പിടിയിൽ; പിടിയിലായവരിൽ സിവിൽ സർവീസ് പരീക്ഷക്ക്‌ തയ്യാറെക്കുന്ന വണ്ടാഴി സ്വദേശിയും.

വടക്കഞ്ചേരി: 2023 മാർച്ചിലും, ജൂൺ മാസത്തിലും വടക്കഞ്ചേരി ബസ് സ്റ്റാന്റിന് സമീപത്തുള്ള സപ്ലൈകോ സൂപ്പർ മാർക്കറ്റിൽ മോഷണം നടത്തിയ പ്രതികളെ ശാസ്ത്രീയമായ അന്വേഷണത്തിലൂടെ വടക്കഞ്ചേരി പോലീസ് പിടി കൂടി. അതിവിദഗ്ദമായി മോഷണം നടത്തി യാതൊരു സൂചനകളും അവശേഷിപ്പിക്കാതെ കടന്ന് കളഞ്ഞവരെയാണ് 10 മാസത്തോളമുള്ള ശാസ്ത്രീയ നിരീക്ഷണത്തിലൂടെയും, അന്വേഷണത്തിലൂടെയും പിടികൂടിയത്.

വണ്ടാഴി സ്വദേശിയായ ഹരിദാസ്.കെ.പി (29) കുളത്തിങ്കൽ വീട്, കിഴക്കേത്തറ, വണ്ടാഴി, മലമ്പുഴ സ്വദേശിയായ സന്തോഷ് വയസ് (35) മാധവൻ, കടുക്കാംകുന്നം, കാണയംകാവ്, മലമ്പുഴ, പാലക്കാട് എന്നിവരെയാണ് വടക്കഞ്ചേരി പോലീസ് പിടികൂടിയത്.

മോഷണത്തിനായി ഉപയോഗിച്ചത് യമഹ MT വാഹനം 2022 ഡിസംബറിൽ ഷോറൂമിൽ നിന്നും ടെസ്റ്റ് ഡ്രൈവിന് എന്ന വ്യാജേന ഓടിക്കാനായി കൊണ്ട് പോയി മോഷ്ടിച്ചതാണ്. നെന്മാറായിൽ നിന്നും മോഷ്ടിച്ച വാഹനം കാഞ്ഞിരപ്പിള്ളി സ്വദേശിയുടെ യമഹ വാഹനത്തിന്റെ നമ്പർ പ്ലേറ്റ് വ്യാജമായി നിർമ്മിച്ച്, വാഹനത്തിന്റെ കളർ മാറ്റി മോഷണ കേസിലെ പ്രതികൾ ഉപയോഗിച്ചുകൊണ്ടിരിക്കുകയായിരുന്നു.

സിവിൽ സർവീസ് പരീക്ഷയ്ക്കായി തയ്യാറെടുക്കുന്ന ഹരിദാസ് പെട്ടെന്ന് പണം ഉണ്ടാക്കണം എന്ന ചിന്തകൊണ്ട് മോഷണത്തിലേയ്ക്ക് എത്തിയത്. 2-ാം പ്രതിയായ സന്തോഷ് ഭാര്യയെ വെട്ടിയ കേസിലെ പ്രതിയാണ്. ആയതിന് ജാമ്യത്തിൽ ഇറങ്ങിയ സമയത്താണ് ഇരുവരും പരിചയപ്പെടുന്നതും മോഷണം പ്ലാൻ ചെയ്യുന്നതും.

സർക്കാർ ധനകാര്യ സ്ഥാപനങ്ങളിലും നിന്നും പണം മോഷ്ടിക്കുന്നതാണ് താല്പര്യം. ചന്ദ്രനഗർ ബീവറേജിലും മോഷണം നടത്തിയത് ഇവരാണ് എന്ന് വടക്കഞ്ചേരി പോലീസ് നടത്തിയ അന്വേഷണത്തിൽ വെളിപ്പെട്ടിട്ടുണ്ട്. കൂടാതെ നെന്മാറയിൽ നിന്നും മോഷ്ടിച്ച യമഹ MT വാഹനവും വടക്കഞ്ചേരി പോലീസ് പ്രതികളിൽ നിന്നും കണ്ടെത്തി. കൂടുതൽ കേസിൽ ഉൾപ്പെട്ടിട്ടുണ്ടോ എന്ന് അന്വേഷണം നടത്തിവരുന്നു.

പാലക്കാട് ജില്ലാ പോലീസ് മേധാവി ആർ. ആനന്ദ് IPS ന്റെ നിർദ്ദേശാനുസരണം ആലത്തൂർ DYSP ശ്രീ. അശോകന്റെ നേതൃത്വത്തിൽ ഒരു പ്രത്യേക അന്വേഷണ സംഘം രൂപീകരിക്കുകയും വ്യക്തമായ CCTV ദൃശ്യങ്ങളോ മറ്റ് തെളിവുകളോ ഇല്ലാതിരിന്നിട്ടും വളരെ കൃത്യമായും സൂക്ഷ്മമായും ഉള്ള അന്വേഷണത്തിലൂടെയാണ് പ്രതികളെ പിടികൂടിയത്.

വടക്കഞ്ചേരി ഇൻസ്‌പെക്ടർ ശ്രീ. ബെന്നി.കെ.പി, SI ശ്രീ. ജീഷ്മോൻ വർഗ്ഗീസ്, GSI പ്രസന്നൻ , GSI സന്തോഷ് കുമാർ, ASI ദേവദാസ്, ASI അനന്തകൃഷ്ണൻ, SCPO മാരായ പ്രദീഷ്, കൃഷ്ണദാസ്, ബ്ലസൻ ജോസ്, ദിലീപ്.ഡി. നായർ , SCPO റഷീദ്, സിപിഒ മാരായ റിനുമോഹനൻ, ദിലീപ്, വിനു സൂരജ് ബാബു, ഡ്രൈവർ ഇൻഷാദ് എന്നിവരടങ്ങിയ സംഘമാണ് പ്രതികളെ പിടികൂടിയത്.