കാട്ടാന ശല്യം; സൗരോർജ വേലി സ്‌ഥാപിക്കുമെന്ന് കെ.ഡി.പ്രസേനൻ എംഎൽഎ.

മംഗലംഡാം: കാട്ടാന ശല്യം പരിഹരിക്കാൻ സൗരോർജ വേലി സ്ഥാപിക്കുമെന്നു കെ ഡി പ്രസേനൻ എംഎൽഎ. നേർച്ചപ്പാറയിൽ കാട്ടാനകൾ കൃഷി നശിപ്പിച്ച സ്ഥലങ്ങൾ സന്ദർശിക്കുകയായിരുന്നു അദ്ദേഹം. വനാതിർത്തിയോടു ചേർന്നു നേർച്ചപ്പാറ മുതൽ കടപ്പാറ വരെ, തൂക്കിയിടുന്ന മാതൃകയിലുള്ള സൗരോർജ വേലി സ്‌ഥാപിക്കാനുള്ള നടപടികൾ സ്വീകരിക്കും.

ഇക്കാര്യം വനം വകുപ്പ് മന്ത്രിയുമായും, ജില്ലാ കലക്ടറുമായും സംസാരിച്ചതായും എംഎൽഎ പറഞ്ഞു. തെരുവു വിളക്കുകൾ സ്ഥാപിക്കുക, ചെള്ളിക്കയം ഭാഗത്തെ വനം വകുപ്പിൻ്റെ ഔട്പോസ്റ്റിൽ ജീവനക്കാതെ സ്‌ഥിരമായി നിയമിക്കുക തുടങ്ങിയ ആവശ്യങ്ങളും ഉടൻ നടപ്പാക്കും. കെ.കെ .മോഹനൻ, പി.വി. കൃഷ്ണൻ, ആർ. അരവിന്ദാക്ഷൻ എന്നിവർ എംഎൽഎയെ അനുഗമിച്ചു.