പത്തനാപുരം പാതയില്‍ വെള്ളം കുത്തിയൊഴുകുന്ന താത്കാലിക ബണ്ടിലൂടെ മറുകര കടക്കാൻ ശ്രമിക്കുന്നതിനിടെ ബൈക്ക് യാത്രക്കാര്‍ ഒഴുക്കില്‍പ്പെട്ടു.

“പത്തനാപുരം പാതയില്‍ പുതിയ പാലം പണിയുന്നതിന് ഗായത്രി പുഴയില്‍ താല്‍ക്കാലികമായി നിർമ്മിച്ച ബണ്ടിലൂടെ വന്ന ബൈക്കാണ് ഒഴുക്കില്‍പ്പെട്ടത്. ബൈക്കിലുണ്ടായിരുന്നവർ പുതുതായി നിർമ്മിക്കുന്ന പാലത്തിന്‍റെ തൂണില്‍ പിടിച്ച്‌ രക്ഷപ്പെടുകയായിരുന്നു.ഇന്ന് രാവിലെ 11. 30 നായിരുന്നു സംഭവം. കനത്ത മഴയെത്തുടർന്ന് ബണ്ടിന് മുകളിലൂടെയാണ് പുഴ ഒഴുകിയിരുന്നത്.ബണ്ടിന്‍റെ കുറച്ച്‌ ഭാഗം ഒഴുകിപ്പോയിരുന്നു. വെള്ളം കയറിയതിനാല്‍ ഗതാഗതം നിർത്തിവെച്ച ബണ്ടിലൂടെയാണ് മുന്നറിയിപ്പ് അവഗണിച്ച്‌ ബൈക്ക് ഓടിച്ചു വന്നത്. സ്ഥലത്തുണ്ടായിരുന്നവർ നല്‍കിയ മുന്നറിയിപ്പ് വകവെക്കാതെ വന്ന കാവശ്ശേരി സ്വദേശി സന്ദീപും സുഹൃത്തുമാണ് ബൈക്കില്‍ ബണ്ടിനെ മുകളിലൂടെ ബൈക്ക് ഓടിക്കുകയായിരുന്നു. പാലത്തിന്‍റെ തൂണില്‍ പിടിച്ചു നില്‍ക്കാനായതിനാലാണ് രക്ഷപ്പെട്ടത്.”