തടയണ സൈഡ് തള്ളി പോയി

റിപ്പോർട്ട്✒️ : ബെന്നി വർഗീസ്

കിഴക്കഞ്ചേരി : കൊന്നയ്ക്കൽകടവ് മണിമൊക്ക് തടയണ ജനുവരി 13 തിങ്കളാഴ്ച്ച സൈഡ് തള്ളി പോയി തടഞ്ഞുനിർത്തിയ വെള്ളം പൂർണ്ണമായും നഷ്ടമായി. വേനൽ കടുത്തതോടെ തോട്ടിലെ വെള്ളം കുറഞ്ഞതോടെ നാട്ടുകാർ തടയണ ഇടുകയും ഒരാഴ്ച്ചയോളം വെള്ളം തടയണ നിറഞ്ഞുനിന്നതായിരുന്നു. ഈ പ്രദേശത്തെ കുടിവെള്ളത്തിനും, കാർഷിക ആവശ്യത്തിനുമായി ഉപകാരപെടുന്ന തടയണയിലെ വെള്ളമാണ് വേനൽ ആരംഭിക്കുമ്പോൾ തന്നെ നഷ്ടമായത്, ഉടനെ സൈഡ് കെട്ടി തടയണ പുനസ്ഥാപിച്ച് വെള്ളം സംഭരിക്കാനുള്ള അടിയന്തിര നടപടി സ്വീകരിക്കണമെന്ന് നാട്ടുകാർ ഗ്രാമസഭയിൽ ആവശ്യപെട്ടിട്ടുണ്ട്.