മുടപ്പല്ലൂർ അഴിക്കുളങ്ങര ക്ഷേത്രത്തിന് സമീപം മിനിലോറിയും, ബൈക്കും കൂട്ടിയിടിച്ച് വിദ്യാർത്ഥി മരിച്ചു.

വടക്കഞ്ചേരി: മുടപ്പല്ലൂർ അഴിക്കുളങ്ങര ക്ഷേത്രത്തിന് സമീപം മിനിലോറിയും, ബൈക്കും കൂട്ടിയിടിച്ച് വിദ്യാർത്ഥി മരിച്ചു. മേലാർകോട് തുടിക്കോട് റോജിത്ത് (17) ആണ് മരിച്ചത്. ഇന്ന് വൈകുന്നേരം ഏഴരയോടു കൂടിയാണ് അപകടം സംഭവിച്ചത്.

മുടപ്പല്ലൂർ പാക്കാട്ടിൽ വാടകക്ക് താമസിക്കുകയാണ് റോജിത്തും, കുടുംബവും. മുടപ്പല്ലൂർ ടൗണിലെ തുണിക്കടയിൽ ജോലി ചെയ്യുന്ന അമ്മയെ വിളിക്കാൻ പോകുന്നതിനിടെ നെന്മാറ ഭാഗത്തേക്ക് സിനിമ ഷൂട്ടിംങ്ങിനുള്ള സാധനങ്ങളുമായി പോകുന്ന മിനിലോറിയിൽ ഇടിക്കുകയായിരുന്നു. ഗുരുതരമായി പരിക്കേറ്റ റോജിത്തിനെ നെന്മാറയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു.

എരിമയൂർ ഗവ.ഹയർ സെക്കൻ്ററി സ്കൂളിലെ പ്ലസ് വൺ വിദ്യാർത്ഥിയാണ് റോജിത്ത്. മൃതദേഹം നെന്മാറ സ്വകാര്യ ആശുപത്രി മോർച്ചറിയിൽ.
അച്ഛൻ: കുഞ്ഞുമണി. അമ്മ: അനിത. സഹോദരൻ: റോഹിത്ത്