കാർ പാലത്തിന്റെ കൈവരിയിലിടിച്ച് ഒരാൾക്ക് പരിക്ക്

വടക്കഞ്ചേരി : ദേശീയപാതയിൽ മംഗലംപാലത്ത് കാർ പാലത്തിന്റെ കൈവരിയിലിടിച്ച് ഒരാൾക്ക്‌ പരിക്ക്. ബെംഗളൂരു തിപ്പസാന്ദ്രയിലെ ഡോളറ്റ് കുര്യാക്കോസിനാണ്‌ (76) നിസ്സാര പരിക്കേറ്റത്.ബുധനാഴ്ച ഉച്ചയ്ക്ക് 12.30-ഓടെയാണ് അപകടം. ഡോളറ്റും മക്കളായ ദീപകും ബിജുവും ബെംഗളൂരുവിൽനിന്ന്‌ വരികയായിരുന്നു. പാലത്തിന്റെ വലതുഭാഗത്തെ കൈവരിയിലിച്ച് തെന്നിമാറി ഏതിർഭാഗത്തുള്ള കൈവരിയിലിടിച്ചാണ്‌ നിന്നത്. കാറിന്റെ മുൻവശം തകർന്നു. ഡോളറ്റിനെ നെന്മാറയിലെ സ്വകാര്യ ആശുപത്രിയിലെത്തിച്ചു.വടക്കഞ്ചേരി പോലീസും ഹൈവേപോലീസും സ്ഥലത്തെത്തി. ദേശീയപാതയിൽ കുറച്ചുനേരം ഭാഗികമായി ഗതാഗതം തടസ്സപ്പെട്ടു.