നെല്ലിയാമ്പതി ചുരം പാതയിൽ പുലിയെ കണ്ടെത്തി

നെന്മാറ : പോത്തുണ്ടി – നെല്ലിയാമ്പതി ചുരം പാതയിൽ ഇന്നലെ വൈകിട്ടു പുലിയെ കണ്ടെത്തി. നെല്ലിയാമ്പതിയിലെ തേയിലക്കമ്പനി വാഹനത്തിനെ ഡ്രൈവർ ആണ് കണ്ടത്. കാട്ടാനകളെയ കാട്ടുപോത്തുകളെയും പതിവായി കാണാറുണ്ടെങ്കിലും പുലിയെ കാണുന്നത് അപൂർവമാണ്. ഇതോടെ ജനം ആശങ്കയിലായി. ചെറുനെല്ലിക്കും 14-ാം മൈൽ വ്യൂപോയിൻ്റിനും ഇടയിൽ ഓടക്കാട്ടിലാണു പുലിയെ കണ്ടത്. നിർത്തിയിട്ട വാഹനത്തിലേക്കു കുറച്ചു നേരം നോക്കിനിന്ന പുലി സാവധാനം റോഡിലൂടെ മുന്നോട്ടു നടന്നു നീങ്ങുകയായിരുന്നുവെന്ന് തേയില കമ്പനി വാഹനത്തിന്റെ ഡ്രൈവർ പറഞ്ഞു.