വടക്കഞ്ചേരി: അനധികൃതമായി നിർമിച്ച കെട്ടിടങ്ങൾക്ക് വിനിയോഗ (ഒക്യുപ്പെൻസി) സാക്ഷ്യപത്രം നൽകിയതിന് വടക്കഞ്ചേരി ഗ്രാമപ്പഞ്ചായത്ത് മുൻ സെക്രട്ടറിക്കെതിരേ വിജിലൻസ് കേസെടുത്തു. 2019-2021 കാലയളവിൽ സെക്രട്ടറിയായിരുന്ന ബി. ജയകുമാറിനെതിരെയാണ് കേസ്.
നെൽവയൽ തണ്ണീർത്തട നിയമപ്രകാരം ഡേറ്റാ ബാങ്കിൽ ഉൾപ്പെട്ട സ്ഥലങ്ങളിൽ ചട്ടങ്ങൾ പാലിക്കാതെ നിർമിച്ച 22 കെട്ടിടങ്ങൾക്ക് വിനിയോഗ സാക്ഷ്യപത്രം നൽകിയതായാണ് വിജിലൻസ് കണ്ടെത്തിയത്.
നേരത്തേ വടക്കഞ്ചേരിയിൽനിന്ന് ലഭിച്ച പരാതിയുടെ അടിസ്ഥാനത്തിൽ വിജിലൻസ് പാലക്കാട് യൂണിറ്റ് പ്രാഥമികാന്വേഷണം നടത്തിയിരുന്നു. ഈ അന്വേഷണത്തിലെ കണ്ടെത്തലുകളുടെ അടിസ്ഥാനത്തിലാണ് കേസ് രജിസ്റ്റർചെയ്‌തത്‌. കേസിൽ വിജിലൻസ് വിശദമായ അന്വേഷണം ആരംഭിച്ചു.
Similar News
വടക്കഞ്ചേരിയില്‍ വിഷു തിരക്ക് മുതലെടുത്ത് മോഷണം; വധുവിൻ്റെ വസ്ത്രങ്ങളങ്ങിയ ബാഗ് മോഷ്ടിച്ച പ്രതി പിടിയിൽ.
കാരപൊറ്റ പട്ടികാളി അയ്യപ്പൻ കാവിൽ ക്ഷേത്രത്തിൽ മോഷണം.
പൊലീസിന് ആശ്വാസം, മൂന്ന് ദിവസത്തെ കാത്തിരിപ്പിനൊടുവില്‍ മുത്തപ്പന്റെ വയറ്റില്‍ നിന്ന് തൊണ്ടിമുതല്‍ പുറത്തെത്തി.