മംഗലംഡാം : ലൂർദ്മാതാ ഹയർ സെക്കൻഡറി സ്കൂളില്‍ സമർപ്പിതസംഗമം നടന്നു. 1963 ല്‍ സ്ഥാപിതമായ സ്കൂളിലെ പൂർവവിദ്യാർഥികളായി 55 വൈദികരും 79 സിസ്റ്റേഴ്സുമുണ്ട്. ഇവരില്‍ കുറെപേർ സംഗമത്തില്‍ പങ്കെടുത്തു. സ്വദേശത്തും വിദേശത്തുമായി വ്യത്യസ്ത സഭാകൂട്ടായ്മകളിലാണ് പൂർവവിദ്യാർഥികളായ ഇവർ സേവനം ചെയ്യുന്നത്. സ്കൂള്‍ വിദ്യാഭ്യാസ കാലഘട്ടത്തില്‍ ലഭിച്ച അറിവും മൂല്യബോധവും ദൈവീകചിന്തകളുമാണ് സമർപ്പിത ജീവിതത്തിന്‍റെ അടിത്തറയെന്ന് വൈദികരും സിസ്റ്റേഴ്സും പറഞ്ഞു. ദിവ്യബലിയും പരേതരായ അധ്യാപികരെ അനുസ്മരണവും സൗഹൃദങ്ങളുടെ പങ്കുവയ്ക്കലുമായി ഏറെ സ്നേഹ കൂടിച്ചേരലായിരുന്നു സംഗമം. സ്നേഹവിരുന്നും ഒരുക്കിയിരുന്നു.
Similar News
കനത്ത മഴയിൽ വീട് തകർന്നു വീണു.
സഞ്ചാരികളെ വരവേറ്റ് നെല്ലിയാമ്പതി.
മഴ കനത്തപ്പോൾ വടക്കഞ്ചേരി-മണ്ണുത്തി ദേശീയപാതയും, മംഗലം-ഗോവിന്ദാപുരം സംസ്ഥാനപാതയും തകർന്ന് തരിപ്പണമായി.