ഇളവംപാടത്ത് തേങ്ങയും അടക്കയും മോഷണം പോയതായി പരാതി

മംഗലംഡാം : ഇളവംപാടം വട്ടകണ്ടത്തിൽ ജോസഫിന്റെ പുരയിടത്തിൽ നിന്ന് വലിയ തോതിൽ തേങ്ങയും അടക്കയും മോഷണം പോയതായി പരാതി. കഴിഞ്ഞ ദിവസങ്ങളിൽ ഒന്നിലേറെ തവണകളായി പറമ്പിൽ അതിക്രമിച്ച് കയറി ആയിരത്തോളം തേങ്ങകളും അഞ്ച് ചാക്കോളം അടക്കയും മോഷ്ടിക്കപ്പെട്ടതായി പരാതിയിൽ പറയുന്നു. കഴിഞ്ഞമാസത്തിലും ആൾ താമസമില്ലാത്ത ഈ വീട്ടിൽ മോഷണശ്രമം നടന്നതായി മംഗലംഡാം പൊലീസ് സ്റ്റേഷനിൽ പരാതിനൽകിയിരുന്നു.