മംഗലംഡാമിൽ ശക്തമായ കാറ്റിലും, മഴയിലും വലിയ മരം കടപുഴകി വീണ് ഗതാഗത തടസം.

മംഗലംഡാം: ഇന്നലെ പെയ്ത ശക്തമായ മഴയിലും, കാറ്റിലും മംഗലംഡാമിൽ മരം കടപുഴകി വീണ് ഗതാഗത തടസം. ഡാം ടൗണിൽ നിന്നും ഡാമ് കെട്ടിലോട്ട് പോകുന്ന വഴിയിൽ പാർക്കിംഗ് ഗ്രൗണ്ടിന് സമീപമാണ് റോഡിലേക്ക് മരം വീണു കിടക്കുന്നത്. മരം കടപുഴകി ഇലക്ട്രിക്ക് ലൈനിലേക്ക് വീണതിനാൽ ഇതു വഴിയുള്ള വൈദ്യുത ബന്ധം നിലച്ചു. ദിവസേന നൂറുകണക്കിന് വിനോദസഞ്ചാരികളും വാഹനങ്ങളുമാണ് ഇതിലെ കടന്നുപോകുന്നത്. രാത്രിയിൽ ആയതിനാൽ വലിയൊരു അപകടമാണ് ഒഴിവായത്.