നെന്മാറ: വല്ലങ്ങിയിലെ ബാറില്‍ ആക്രമണം നടത്തി മേശ തകര്‍ത്ത സംഭവത്തില്‍ പ്രതികളെ പിടികൂടാന്‍ ശ്രമിക്കുന്നതിനിടെ പോലീസിനെ ആക്രമിച്ച സംഭവത്തില്‍ അഞ്ചുപേരെ നെന്മാറ പോലീസ് അറസ്റ്റു ചെയ്തു. പോത്തുണ്ടി അയ്യപ്പന്‍ കുന്ന് സ്വദേശിയായ പ്രണവ് (31), തിരുവഴിയാട് മല്ലന്‍ പാറക്കല്‍ രമേഷ് (29), ചാത്തമംഗലം ചൊട്ടിപ്പാറ രഞ്ജിത്ത് (32), നെന്മാറ നിമിഷ് (27), തിരുവഴിയാട്, കോഴിക്കോട് സബീക്ക് (26) എന്നിവരെയാണ് പോലീസ് അറസ്റ്റ് ചെയ്ത്.
കഴിഞ്ഞ ദിവസം രാത്രി വല്ലങ്ങിയിലെ ബാറില്‍ മദ്യപിക്കാനെത്തിയ ഇവര്‍ പണം നല്‍കാതെ ബഹളം വെയ്ക്കുകയും, മാനേജരെ ആക്രമിക്കുകയും 1100 രൂപയുടെ മദ്യവും, മേശയും തകര്‍ക്കുകയും ചെയ്തു. ഈ പ്രതികളെ പിടികൂടാന്‍ ശ്രമിക്കുന്നതിനിടെയാണ് തിരുവഴിയാട് കോഴിക്കാട് വെച്ച് എസ്.ഐ. ഉള്‍പ്പെടെയുള്ള പോലീസ് സംഘത്തെ ആക്രമിച്ചത്. പോലീസ് ജീപ്പിലെ പിന്‍വാതില്‍ ചില്ല് ചവിട്ടി തകര്‍ക്കുകയും ചെയ്തു.
Similar News
വടക്കഞ്ചേരിയില്‍ വിഷു തിരക്ക് മുതലെടുത്ത് മോഷണം; വധുവിൻ്റെ വസ്ത്രങ്ങളങ്ങിയ ബാഗ് മോഷ്ടിച്ച പ്രതി പിടിയിൽ.
കാരപൊറ്റ പട്ടികാളി അയ്യപ്പൻ കാവിൽ ക്ഷേത്രത്തിൽ മോഷണം.
പൊലീസിന് ആശ്വാസം, മൂന്ന് ദിവസത്തെ കാത്തിരിപ്പിനൊടുവില്‍ മുത്തപ്പന്റെ വയറ്റില്‍ നിന്ന് തൊണ്ടിമുതല്‍ പുറത്തെത്തി.