ഒഴിവ് ദിവസങ്ങളിൽ ബസ്സില്ലാത്തതിനാൽ മലയോര മേഖലയിലെ യാത്രക്കാർ പ്രതിസന്ധിയിൽ.

മംഗലംഡാം: മലയോര മേഖലയായ ചുരുപാറ, കടപ്പാറ ഭാഗങ്ങളിലേക്കുള്ള കെഎസ്ആർടിസി ബസ് അവധി ദിവസങ്ങളിൽ സർവീസ് മുടക്കുന്നത് പ്രദേശവാസികൾക്കു ദുരിതമാകുന്നു. ഞായറാഴ്ച ദിവസങ്ങളിൽ ഈ രണ്ടു സർവീസും മുടക്കുന്നത് പതിവായി. മറ്റ് അവധി ദിവസങ്ങളിലും ചൂരുപാറ ബസ് ഓടാറില്ല.

മൂന്നു പട്ടിക വർഗകോളനികളും, നൂറു കണക്കിന് കർഷക കുടുംബങ്ങളും അധിവസിക്കുന്ന കടപ്പാറ, ചൂരൂപാറ മലയോര മേഖലയിലെ ജനങ്ങൾക്ക് ചെലവ് കുറഞ്ഞ യാതാ സൗകര്യമാണ് കെഎസ് ആർടിസി സർവീസ്. അവധി ദിവസങ്ങളിൽ രണ്ടു സർവീസെങ്കിലും നടത്തണമെന്നാണ് മലയോരവാസികളുടെ ആവശ്യം.