നിരീക്ഷണ ക്യാമറ സ്ഥാപിച്ചു.

ചിറ്റിലഞ്ചേരി: പൊതുയിടങ്ങളിൽ മാലിന്യം തള്ളുന്നത് പതിവായതോടെ മേലാർകോട് ഗ്രാമപ്പഞ്ചായത്തിൽ നിരീക്ഷണ ക്യാമറ സ്ഥാപിച്ചു. സ്ഥിരമായി മാലിന്യം കൊണ്ടിടുന്ന മൂന്നിടങ്ങളിലാണ് നിരീക്ഷണക്യാമറകൾ സ്ഥാപിച്ചത്.

മംഗലം-ഗോവിന്ദാപുരം പാതയിലെ ഗോമതി മുതൽ നെന്മാറ എൻ.എസ്.എസ്.കോളേജ് വരെയുള്ള ഭാഗത്ത് രണ്ടിടത്തും, കല്ലങ്കോട് വലതല പാതയിൽ മുണ്ടിയൻകുളത്തിനു സമീപത്തുമായാണ് ക്യാമറകൾ സ്ഥാപിച്ചത്.

ഗ്രാമപ്പഞ്ചായത്തിലെ കാത്താംപൊറ്റ, പുളിഞ്ചുവട് എന്നിവിടങ്ങളിലും ക്യാമറകൾ സ്ഥാപിക്കുന്നതിന് നടപടി സ്വീകരിക്കുമെന്നും ഗ്രാമപ്പഞ്ചായത്ത് പ്രസിഡന്റ് ടി. വത്സല പറഞ്ഞു.