വാട്ടർ മീറ്ററുകൾ മോഷ്ടിച്ചയാൾ പോലീസിന്റെ പിടിയിൽ.

ആലത്തൂർ: കാവശ്ശേരിയിൽ ജൽജീവൻ മിഷന്റെ ഗാർഹിക കുടിവെള്ള കണക്ഷന്റെ മീറ്ററുകൾ മോഷ്‌ടിച്ചയാളെ ആലത്തൂർ പോലീസ് അറസ്റ്റ് ചെയ്‌തു. കാവശ്ശേരി വടക്കേത്തറയിൽ വിജയകുമാറാണ് (48) അറസ്റ്റിലായത്. കാവശ്ശേരിയിലെ ദിലീപ് കൊച്ചുമാധവന്റെ പരാതിയിൽ പോലീസ് നടത്തിയ അന്വേഷണത്തെത്തുടർന്നാണിത്.

കാവശ്ശേരി ഗ്രാമപ്പഞ്ചായത്തോഫീസ്, കഴനി ചുങ്കം പെട്രോൾ പമ്പ്, ഇരട്ടക്കുളം പ്രദേശങ്ങളിൽ വാട്ടർ മീറ്ററുകൾ അടുത്തിടെ മോഷണം പോയിരുന്നു. രണ്ടുവർഷത്തിനിടെ കാവശ്ശേരി മേഖലയിൽ പലതവണ മീറ്റർ മോഷണം ഉണ്ടായി.