ആലത്തൂർ താലൂക്ക് ആശുപത്രിയിലെ ലബോറട്ടറി ഇനി മുതൽ 12 മണിക്കൂർ പ്രവർത്തിക്കും.

ആലത്തൂർ: ആലത്തൂർ താലൂക്ക് ആശുപത്രിയിലെ ലബോറട്ടറി ഇനി മുതൽ 12 മണിക്കൂർ പ്രവർത്തിക്കും. രാവിലെ 7 മുതൽ രാത്രി 7 വരെയാണ് സമയം. രാവിലെ 8 മുതൽ 4 വരെയായിരുന്നു നേരത്തെയുള്ള സമയം. പരിശോധിക്കാൻ എത്തുന്നവരുടെ എണ്ണം വർധിച്ചതിനെ തുടർന്നാണ് സമയം ദീർഘിപ്പിച്ചത്. ഇതിനു വേണ്ടി ആശുപത്രി മാനേജ്മെന്റ് കമ്മിറ്റി താൽക്കാലികമായി 2 ടെക്നിഷ്യൻമാരെ കൂടി നിയമിച്ചു. നിലവിൽ 3 ടെക്നിഷ്യൻമാരുൾപ്പെടെ 5 ജീവനക്കാരായിരുന്നു ലാബിലുണ്ടായിരുന്നത്. ഇപ്പോൾ അത് 7 പേർ ആയി.