കിഴക്കഞ്ചേരിയിൽ നിന്നും പത്ത് ദിവസം മുമ്പ് കാണാതായ പുരുഷനേയും, സ്ത്രീയേയും വനത്തിൽ മരിച്ച നിലയിൽ കണ്ടെത്തി.

കിഴക്കഞ്ചേരി: പത്ത് ദിവസം മുൻപ് കാണാതായ പുരുഷനേയും, സ്ത്രീയേയും വനത്തിൽ മരിച്ച നിലയിൽ കണ്ടെത്തി. കിഴക്കഞ്ചേരി പനംകുറ്റി കുടുമിക്കൽ വീട്ടിൽ വിനോദ് (52), കൊടുമ്പാല ആദിവാസികോളനിയിലെ സിന്ധു(35) എന്നിവരുടെ മൃതദേഹമാണ് ഒളകര വന മേഘലയിൽ കണ്ടെത്തിയത്.
കഴിഞ്ഞമാസം 28 മുതലാണ് ഇരുവരെയും കാണാതാവുന്നത്.

വിനോദിൻ്റെ മൃതദേഹം മരത്തിൽ തൂങ്ങിയ നിലയിലും, സിന്ധുവിൻ്റെ മൃതദേഹം താഴെ കിടക്കുന്ന നിലയിലുമാണ് കണ്ടെത്തിയത്. കഴിഞ്ഞ ദിവസങ്ങളിൽ ഇവരെക്കുറിച്ച് പൊലീസ് അന്വേഷണം നടത്തിയെങ്കിലും കണ്ടെത്താനായില്ല. ഇന്നലെ ഡോഗ് സ്ക്വാഡിൻ്റെ സഹായത്തോടെ നടത്തിയ പരിശോധനയിലാണ് മൃതദേഹങ്ങൾ കണ്ടത്.