നെന്മാറ: ഒലിപ്പാറ-കൊടിക്കരുമ്പ് റോഡിൽ വൈദ്യുതി കമ്പിയുടെ മുകളിൽ മരക്കൊമ്പ് വീണ് ഗതാഗത തടസ്സം. ഒലിപ്പാറയിലെ ജോയിയുടെ വീടിന്റെ മുൻവശത്തുള്ള പ്ലാവിന്റെ കൊമ്പാണ് ഇന്ന് വൈകിട്ട് 9 മണിയോട് കൂടി പൊട്ടി വീണത്. മരകൊമ്പ് വീഴുന്ന സമയത്ത് റോഡിലൂടെ വാഹനങ്ങൾ ഒന്നും വരാത്തതിനാൽ വലിയ അപകടം ഒഴിവായി.
ഉടൻതന്നെ കെഎസ്ഇബിയെ വിവരം അറിയിച്ചതിനെ തുടർന്ന് ഇവിടത്തെ വൈദ്യുതി ബന്ധം വിച്ഛേദിച്ചു. കുറച്ചുനേരം ഈ വഴിയുള്ള ഗതാഗതം സ്തംഭിച്ചു. തുടർന്ന് നാട്ടുകാരുടെയും കെഎസ്ഇബി ജീവനക്കാരുടെയും സഹായത്താൽ അല്പം മുമ്പ് റോഡിന് കുറുകെ ലൈൻ കമ്പിയിൽ വീണ മരക്കൊമ്പ് എടുത്തുമാറ്റി റോഡിലെതടസ്സം ഒഴിവാക്കി ഗതാഗതവും, വൈദ്യുതിയും പുനസ്ഥാപിച്ചു.
Similar News
മലയോരമേഖലയ്ക്ക് അഭിമാനമായി മംഗലംഡാം ലൂര്ദ്മാത
മേലാർകോട് നിരീക്ഷണ ക്യാമറകൾക്ക് പുറകിൽ മാലിന്യം തള്ളിയ നിലയിൽ
നെല്ലിയാമ്പതി ചുരം പാതയിൽ മരം വീണു; രണ്ടു മണിക്കൂർ ഗതാഗതം മുടങ്ങി