പ്ലാച്ചികുളമ്പ്-പനമ്പിളികുളമ്പ് റോഡിന്റെ ദയനീയവസ്ഥ.

കിഴക്കഞ്ചേരി: കിഴക്കഞ്ചേരി പഞ്ചായത്തിലെ പതിനെട്ടാം വാർഡിലുള്ള പ്ലാച്ചികുളമ്പ് -പനമ്പിളികുളമ്പ് റോഡിന്റെ ദുരവസ്ഥയാണ് ഈ കാണുന്നത്. വരുമാനമുണ്ടായിരുന്ന സ്വകാര്യ സ്ഥലങ്ങൾ റോഡിനുവേണ്ടി വിട്ടുകൊടുത്തു ഈ പ്രദേശത്തുകാർ കാത്തിരിപ്പു തുടങ്ങീട്ടു ഒരുപതിറ്റാണ്ടിലേറെയായി. ഇന്നും ഈ ആഗ്രഹം സ്വപ്നങ്ങളിൽ മാത്രം.

പ്ലാച്ചികുളമ്പ് സ്കൂളിലേക്ക് വരുന്ന കൊച്ചുകുട്ടികളുടെ കാര്യമാണ് ഏറെ പരിതാപകരം. കുട്ടികളെ കൈപിടിച്ചു കൊണ്ടുപോകുന്ന മാതാപിതാക്കൾ അടക്കം തെറ്റിവീണു പഠിത്തം മുടങ്ങിയ അനേക ദിവസങ്ങൾ ഉണ്ടായിട്ടുണ്ടെന്നാണ് ഈ നാട്ടുകാർ പറയുന്നത്.

കോരൻഞ്ചിറ, വാൽകുളമ്പ് റോഡുമായി ബന്ധിപ്പിക്കുന്ന വഴി ആയതിനാൽ ഇതിൽകൂടി കാൽനടയായും, വാഹനത്തിലും അനേകർ യാത്ര ചെയ്യാറുണ്ട്. മഴക്കാലമായാൽ പിന്നെ ഇതുവഴിയുള്ള യാത്ര ചിന്തിക്കുകയെ വേണ്ട.

എത്രയും വേഗം ഈ റോഡിൽ കൂടിസുഖമമായി യാത്ര ചെയ്യാൻ പറ്റുന്നരീതിയിൽ റോഡിന്റെ പണിചെയ്തു തരണമെന്നാണ് ഈ നാട്ടുകാരുടെ ആവശ്യം.

എല്ലാവരും കൊടുക്കുന്നതുപോലെ എല്ലാനികുതിയും, സർക്കാറിനു കൊടുക്കേണ്ടത് കൊടുത്തിട്ടും ഞങ്ങളോട് എന്തിനാണ് ഈ അവഗണന എന്നാണ് നാട്ടുകാരുടെ ചോദ്യം.