പോക്സോ കേസിൽ 15 വർഷം തടവ്.

ആലത്തൂർ: പന്ത്രണ്ടുവയസ്സുകാരിയോട് ലൈംഗികാതിക്രമം കാണിച്ചെന്ന കേസിലെ പ്രതിക്ക് 15 വർഷം തടവും 1,50,000 രൂപ പിഴയും ശിക്ഷ. ആലത്തൂർ വാനൂർ രക്കൻകുളം രാമനാരായണനെയാണ് (59) ആലത്തൂർ ഫാസ്റ്റ്‌ട്രാക്ക് സ്പെഷ്യൽ കോർട്ട് ജഡ്ജ് സന്തോഷ് കെ. വേണു ശിക്ഷിച്ചത്. പിഴയടച്ചില്ലെങ്കിൽ 15 മാസം അധികതടവ് അനുഭവിക്കണം.

പിഴത്തുകയുടെ 50 ശതമാനം അതിജീവിതയ്ക്ക് നൽകാനും ഉത്തരവായി. 2023 ഏപ്രിൽ 21-നായിരുന്നു കേസിനാസ്പദമായ സംഭവം. ആലത്തൂർ എസ്ഐയായിരുന്ന എം.ആർ. അരുൺകുമാറാണ് കേസെടുത്തത്. പ്രോസിക്യൂഷനുവേണ്ടി സ്പെഷ്യൽ പബ്ലിക് പ്രോസിക്യൂട്ടർ ടി.എസ്. ബിന്ദുനായർ ഹാജരായി. 23 സാക്ഷികളെ വിസ്ത‌രിച്ചു. 23 രേഖകൾ പരിഗണിച്ചു.