മലയോരമേഖലയ്ക്ക് അഭിമാനമായി മംഗലംഡാം ലൂര്‍ദ്മാത

“മലയോര മേഖലക്ക് അഭിമാനമായി മംഗലംഡാം ലൂർദ് മാതാഹയർ സെക്കൻഡറി സ്കുളിന് ഇക്കുറിയും എസ്‌എസ്‌എല്‍സി പരീക്ഷയില്‍ മിന്നും വിജയം.പരീക്ഷ എഴുതിയ 225 പേരും ഉപരി പഠനയോഗ്യത നേടി.21 പേർക്ക് ഫുള്‍ എ പ്ലസുമുണ്ട്. ഒമ്ബത് വിഷയങ്ങളില്‍ എപ്ലസ് നേടി സ്കൂളിന്‍റെ സല്‍പ്പേര് കൂട്ടാൻ പതിനൊന്ന് പേർ ഒപ്പമുണ്ട്. ഒരു കുട്ടി ഒരു വിഷയത്തില്‍ തോറ്റതിനെ തുടർന്ന് സ്കൂളിൻന്‍റെ നൂറ് മേനിയുടെ ഹാട്രിക് സ്വപ്നത്തിന് 2022 ല്‍ മങ്ങലേല്പിച്ചിരുന്നു.എന്നാല്‍ അതിന്‍റെ ക്ഷീണം തീർത്ത് തുടർന്നുള്ള വർഷങ്ങളില്‍ നൂറില്‍ നൂറ് ആവർത്തിച്ച്‌ മലയോരത്തെ ഈ അക്ഷരാലയം വർധിത ഉയിരോടെ വലിയ വിജയയാത്ര തുടരുകയാണ്.തിളക്കമാർന്ന വിജയത്തിനു പിന്നില്‍ കൂട്ടായ പ്രവർത്തനഫലമാണെന്ന് ഹെഡ്മിസ്ട്രസ് സിസ്റ്റർ ജോസി ടോം പറഞ്ഞു. സ്കൂളിന്‍റെ ആറ് പതിറ്റാണ്ട് കാലത്തെ ചരിത്രം തിരുത്തിക്കുറിച്ച്‌ 2020 ലാണ് ആദ്യമായി നൂറുമേനി കൊയ്തത്.അതിനു പിന്നാലെ കുറവുകളെ മികവുകളാക്കി 2021 ലും വിജയഗാഥ തീർത്തു. 2019 ല്‍ 98 ശതമാനമായിരുന്നു വിജയം. 2018 ലും 2015 ലും മൂന്ന് കുട്ടികളുടെ തോല്‍വിയിലാണ് നൂറുമേനി കൈവിട്ടത്. മലയോര മേഖലയിലെ വളരെ പരിമിതമായ സൗകര്യങ്ങളുള്ള വീടുകളില്‍ നിന്നും ആദിവാസി മേഖലയില്‍ നിന്നുമുള്ള കുട്ടികളാണ് ഇവിടെ പഠിക്കുന്നത്.ഇതിനാല്‍ വിദ്യാർഥികള്‍ക്കൊപ്പം അധ്യാപകരുടെയും രക്ഷിതാക്കളുടെയും നാട്ടുകാരുടെയും കൂട്ടായ പ്രയത്ന ഫലങ്ങളുണ്ട് വിജയങ്ങള്‍ക്കെല്ലാം പിന്നില്‍. മലയോര മേഖലയുടെ അക്ഷരവെളിച്ചമായി ഉയർന്നു നില്‍ക്കുന്ന സ്കൂള്‍ വിജയ മികവുകളില്‍ തിളങ്ങുമ്ബോള്‍ സ്കൂള്‍ അധികൃതർക്കൊപ്പം മലയോരമൊന്നാകെ ആഹ്ലാദത്തിലാണ്.”