ബാഴ്സലോണ: അർജന്റീനിയൻ സൂപ്പർ താരം ലയണൽ മെസ്സി ബാഴ്സലോണ വിട്ടു. മെസ്സിയുമായുള്ള കരാർ പുതുക്കാനാവില്ലെന്ന് ബാഴ്സലോണ ഇന്ന് ഔദ്യോഗികമായി അറിയിച്ചു. ഫിനാൻഷ്യൽ ഫേയർപ്ലേയുമായി ബന്ധപ്പെട്ട പ്രശ്നമാണ് മെസ്സി ക്ലബ് വിടുന്നതിനു കാരണമായത്.

മെസ്സിയും ബാഴ്സലോണയുമായുള്ള കരാർ പുതുക്കാനുള്ള അവസാന ദിവസമായിരുന്നു ഇന്ന്. എന്നാൽ കരാർ പുതുക്കുന്നില്ലെന്ന് ബാഴ്സ അറിയിക്കുകയായിരുന്നു. കൂടാതെ താരത്തിന് തുടർന്നുള്ള ജീവിതത്തിൽ എല്ലാ ആശംസകളും നേരുന്നുവെന്നും ബാഴ്സലോണ ഇൻസ്റ്റാഗ്രാമിൽ കുറിച്ചു.