അ​ളു​വ​ശ്ശേ​രി ചേ​രും​കാ​ട് ഉ​രു​ള്‍​പൊ​ട്ട​ലി​ന് ഇന്നേക്ക് 3 വ​യ​സ്.

റിപ്പോർട്ട്‌: ജോജി തോമസ്

നെന്മാറ: അ​ളു​വ​ശ്ശേ​രി ചേ​രും​കാ​ട് ഉ​രു​ള്‍​പൊ​ട്ട​ലി​ന് ഇന്നേക്ക് 3 വ​യ​സ്. പെയ്തു കൊ​ണ്ടി​രു​ന്ന മ​ഴ​യി​ല്‍ വ​ലി​യ ശ​ബ്ദ​ത്തോ​ടെ​യാ​ണ് 2018 ഓ​ഗ​സ്റ്റ് 16ന് ​ചേരുംകാ​ടി​ലെ 40ല​ധി​കം കു​ടും​ബ​ങ്ങ​ള്‍ ഉ​ണ​ര്‍​ന്ന​ത്. നെല്ലിയാമ്പതി മ​ല​യോ​ടു ചേ​ര്‍​ന്നു​ള്ള ആ​ത​നാ​ട് കു​ന്നി​ല്‍ അ​ളു​വ​ശേ​രി​ക്ക​ടു​ത്ത് ചേ​രും​കാ​ട്ടി​ല്‍ ഉ​രു​ള്‍​പൊ​ട്ടി​യാ​ണ് വ​ലി​യ ശ​ബ്ദ​മു​ണ്ടാ​യ​ത്.കു​ത്തി​യൊ​ലി​ച്ചു വ​ന്ന പാ​റ​ക്ക​ല്ലു​ക​ളും മ​ണ്ണും വെ​ള​ള​വും മൂ​ന്നു വീ​ടു​ക​ളെ ത​ക​ര്‍​ത്തെ​റി​ഞ്ഞ് 10 ജീ​വ​ന്‍ ന​ഷ്ട​പ്പെ​ടു​ത്തി ഗ്രാ​മ​ത്തെ​യാ​കെ ക​ണ്ണീ​രി​ലാ​ഴ്ത്തി. മൂ​ന്നു ദി​വ​സ​ത്തെ ര​ക്ഷാ​പ്ര​വ​ര്‍​ത്ത​ന​ത്തി​നൊ​ടു​വി​ലാ​ണ് മൂ​ന്നു കു​ടും​ബ​ങ്ങ​ളി​ലാ​യി ന​ഷ്ട​പ്പെ​ട്ടു​പോ​യ 10 മൃ​ത​ശ​രീ​ര​ങ്ങ​ള്‍ ക​ണ്ടെ​ടു​ക്കാ​നാ​യ​ത്.കു​ന്നി​ന്‍ മു​ക​ളി​ല്‍ നി​ന്ന് പൊ​ട്ടി​യൊ​ലി​ച്ചു​വ​ന്ന പാ​റ​ക്ക​ല്ലും മ​ണ്ണും വെ​ള്ള​വും മ​ര​ങ്ങ​ളും ആദ്യം ഉ​ണ്ണി​കൃ​ഷ്ണ​ന്‍റെ ഓ​ടി​ട്ട വീ​ടി​നെ​യാ​ണ് ത​ക​ര്‍​ത്തെ​റി​ഞ്ഞ​ത്.പി​ന്നീ​ട് താ​ഴെ​യു​ള്ള ഗം​ഗാ​ധ​ര​ന്‍റ ഇ​രു​നി​ല വീ​ട്ടി​ലേ​ക്ക് കു​തി​ച്ചെ​ത്തു​ക​യാ​യി​രു​ന്നു. ശക്തമാ​യ ഒ​ഴു​ക്കി​ല്‍ ഇ​രു​വീ​ടും പൂ​ര്‍​ണ്ണ​മാ​യും ത​ക​ര്‍​ന്ന് മ​ണ്ണി​ന​ടി​യി​ലാ​യി.

മ​റ്റൊ​രു ഭാ​ഗ​ത്തു​കൂ​ടി​യു​ള്ള വെ​ള്ള​പ്പാ​ച്ചി​ലി​ല്‍ മ​ണി​ക​ണ്ഠ​ന്‍റെ വീ​ടും ത​ക​ര്‍​ന്നു.അ​ളു​വ​ശ്ശേ​രി ചേ​രു​കാ​ട് വീ​ട്ടി​ല്‍ ഗം​ഗാ​ധ​ര​ന്‍ (60) ഭാ​ര്യ സു​ഭ​ദ്ര (55) മ​ക്ക​ളാ​യ ആ​തി​ര (28), ആ​ര്യ (17), അ​ര​വി​ന്ദ് (17) ആ​തി​ര​യു​ടെ 15 ദി​വ​സം പ്രാ​യ​മാ​യ മ​ക​ൻ, പ​രേ​ത​നാ​യ ഉ​ണ്ണി​കൃ​ഷ്ണ​ന്‍റെ മ​ക​ളാ​യ അ​നി​ത (28) അ​ഭി​ജി​ത്ത് (22), അ​നി​ത​യു​ടെ മൂ​ന്ന​ര വ​യ​സാ​യ മ​ക​ള്‍ ആ​ത്മി​ക, സു​ന്ദ​ര​ന്‍റെ മ​ക​ന്‍ സു​ധി​ന്‍ (20) എ​ന്നി​വ​രാ​ണ് മ​രി​ച്ച​ത്.ഗം​ഗാ​ധ​ര​ന്‍റെ മ​ക​ള്‍ അ​ഖി​ല ഗു​രു​ത​ര​മാ​യ പ​രി​ക്കു​ക​ളോ​ടെ ര​ക്ഷ​പ്പെ​ട്ടെ​ങ്കി​ലും ചി​കി​ത്സ​യു​ടെ നീ​ണ്ട കാ​ത്തി​രി​പ്പി​ലാ​യി​രു​ന്നു. സ്വ​കാ​ര്യ ആ​ശു​പ​ത്രി​യി​ലെ ചി​കി​ല്‍​സ​ക്കു ശേ​ഷം അ​ഖി​ല കു​ത്ത​നൂ​രു​ള്ള ഭ​ര്‍​ത്താ​വി​ന്‍റെ വീ​ട്ടി​ലാ​ണ് ക​ഴി​യു​ന്ന​ത്.ഭാ​ഗ്യം കൊ​ണ്ടു ര​ക്ഷ​പ്പെ​ട്ട അ​ഖി​ല​യു​ള്‍​പ്പെ​ടെ ഉ​രു​ള്‍​പൊ​ട്ട​ലി​ന്‍റെ നേ​ര്‍സാ​ക്ഷികള്‍ ഏറെയാ​ണ്. അ​നി​യ​ത്തി അ​മി​ത സം​ഭ​വം ന​ട​ക്കു​മ്പോൾ ജോ​ലി സ്ഥ​ല​ത്താ​യ​തി​നാ​ല്‍ അ​പ​ക​ട​ത്തി​ല്‍ നി​ന്നും ര​ക്ഷ​പ്പെ​ടു​ക​യാ​യി​രു​ന്നു.മ​ര​ണ​പ്പെ​ട്ട സു​ധി​ന്‍റെ അ​ച്ഛ​ന്‍ സു​ന്ദ​ര​ന്‍ അ​പ​ക​ട​ത്തി​നു ശേ​ഷം മാ​ന​സി​ക വി​ഷ​മ​ത്തി​ലാ​യ​തി​നെ തു​ട​ര്‍​ന്നു 2019 ജൂ​ണ്‍ 15ന് ​മ​ര​ണ​പ്പെ​ട്ടു. സു​ധി​ന്‍റെ അ​മ്മ സു​ജാ​ത​യും സ​ഹോ​ദ​ര​ങ്ങ​ളാ​യ സു​ബി​നും സു​മി​ത​യും ഇ​പ്പോ​ഴും ന​ടു​ക്കു​ന്ന ഓ​ര്‍​മ്മ​ക​ളാ​യി ക​ഴി​യു​ന്നു.

ഉ​രു​ള്‍​പൊ​ട്ട​ലി​ന്‍റെ മൂ​ന്നു വ​ര്‍​ഷം പി​ന്നി​ടു​ന്പോ​ഴും മ​ക​ന്‍ ന​ഷ്ട​പ്പെ​ട്ട സു​ജാ​ത​യ്ക്കും മ​ക്ക​ള്‍​ക്കും വീ​ടും സ്ഥ​ല​വും ല​ഭി​ക്കാ​ത്ത​ത് ഈ ​കു​ടും​ബ​ത്തെ ക​ണ്ണീ​രി​ല്‍ ആ​ഴ്ത്തു​ന്ന​ത്.ഉ​രു​ള്‍​പൊ​ട്ടി​യ​തി​നു താ​ഴെ​യാ​യി ഭീ​തി​യോ​ടെ​യാ​ണ് ഈ ​കു​ടും​ബം ഇ​ന്നു താ​മ​സി​ക്കു​ന്ന​ത്. കാ​ല​വ​ര്‍​ഷം ശ​ക്തി​പ്രാ​പി​ച്ചാ​ല്‍ വ​കു​പ്പ് അ​ധി​കാ​രി​ക​ള്‍ എ​ത്തി വീ​ടൊ​ഴി​ഞ്ഞോളണം എ​ന്ന മു​ന്ന​റി​യി​പ്പു​മാ​യെ​ത്തു​ന്ന​ത് പ​തി​വാ​ണെ​ന്ന് ഈ ​കു​ടും​ബം പ​റ​ഞ്ഞു. കൂ​ലി​പ്പ​ണി​ക്ക് പോ​കു​ന്ന വി​ധ​വ​യാ​യ സു​ജാ​ത​യ്ക്ക് വീ​ടു വ​ച്ചു കൊ​ടു​ക്കു​ന്ന​തി​ന് വേ​ണ്ടു​ന്ന ന​ട​പ​ടി​ക​ള്‍ അ​ധി​കാ​രി​ക​ള്‍ സ്വീ​ക​രി​ക്ക​ണ​മെ​ന്ന് പ്ര​ദേ​ശ​വാ​സി​ക​ള്‍ പ​റ​ഞ്ഞു. ഈ ​ഭാ​ഗ​ത്തു​ള്ള കു​ടും​ബ​ങ്ങ​ള്‍​ക്ക് ഇ​നി​യും ഭീ​തി മാ​റി​യി​ട്ടി​ല്ല.കു​ന്നി​ന്‍ ചെ​രു​വി​ലാ​യി താ​മ​സി​ക്കു​ന്ന ഒ​ന്‍​പ​തു കു​ടും​ബ​ങ്ങ​ള്‍ അ​ന്ന് പ്ര​ദേ​ശം വി​ട്ടു​പോ​യ​താ​ണ്.

ഉ​രു​ള്‍​പൊ​ട്ടി​യ കു​ന്നി​ല്‍ പാ​റ​യും മ​ണ്ണും വേ​ര്‍​പെ​ട്ട നി​ല​യി​ല്‍ നി​ല്‍​ക്കു​ന്ന​തി​നാ​ല്‍ ഈ ​പ്ര​ദേ​ശം താ​മ​സ​യോ​ഗ്യ​മ​ല്ലെ​ന്നാണ് അ​ധി​കൃ​ത​ര്‍ പ​റ​യു​ന്ന​ത്. ഇ​തേ തു​ട​ര്‍​ന്നാ​ണ് ഒ​ന്‍​പ​തു കു​ടും​ബ​ങ്ങ​ളെ​യും മാ​റ്റി​യി​രു​ന്ന​ത്.വീ​ടു ന​ഷ്ട​പ്പെ​ട്ട കു​ടും​ബ​ങ്ങ​ള്‍​ക്ക് സ​ന്ന​ദ്ധ സം​ഘ​ട​ന​ക​ളു​ടെ​യും സ​ര്‍​ക്കാ​രി​ന്‍റെ​യും നേ​തൃ​ത്വ​ത്തി​ല്‍ വീ​ടു വ​ച്ചു ന​ല്‍​കി​യെ​ങ്കി​ലും സു​ജാ​ത​യു​ടെ കു​ടും​ബ​ത്തി​നു ഇ​ന്നും കാ​രു​ണ്യം ല​ഭി​ക്കാ​തെ​യാ​യെ​ന്ന​തും കു​ടും​ബ​ത്തെ ആ​ശ​ങ്ക​യി​ലാ​ക്കുന്നു.മാ​റ്റി താ​മ​സി​പ്പി​ച്ച ഒമ്പത് കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കു​ന്ന​തി​നു വീ​ടും സ്ഥ​ല​വും ന​ല്‍​കാ​ന്‍ തീ​രു​മാ​നി​ക്കു​ക​യാ​യി​രു​ന്നു. പി​ന്നീ​ട് ഈ ​കു​ടും​ബ​ങ്ങ​ള്‍​ക്ക് വീ​ടു വ​യ്ക്കു​ന്ന​തി​നു സ്ഥ​ലം ക​ണ്ടെ​ത്തു​ന്ന​തി​നാ​യി ആ​റു ല​ക്ഷം രൂ​പ​യും വീ​ടു വ​യ്ക്കു​ന്ന​തി​നു നാ​ലു ല​ക്ഷം രൂ​പ ധ​ന​സ​ഹാ​യ​വും ന​ല്‍​കി.അ​ന്ന് മു​ന്നൂ​റു മീ​റ്റ​റി​ല​ധി​കം ഉ​യ​രത്തി​ല്‍ നി​ന്നാ​ണ് ഉ​രു​ള്‍​പൊ​ട്ടി പാ​റ​ക്ക​ല്ലു​ക​ളും മ​ര​ങ്ങ​ളും മ​ണ്ണും കു​ത്തി​യൊ​ലി​ച്ചി​റ​ങ്ങി​യ​ത്. പാ​റ​മു​ക​ളി​ല്‍ നി​ന്ന് ഇ​പ്പോ​ഴും ചെ​റി​യ തോ​തി​ല്‍ വെ​ള്ള​മൊ​ഴു​കു​ന്നു​ണ്ട്.ക​ന​ത്ത മ​ഴ​കൂ​ടി​യാ​കു​ന്പോ​ള്‍ ശ​ക്ത​മാ​യ വെ​ള്ള​മൊ​ഴു​ക്കു​ണ്ടാ​യാ​ല്‍ വ​ലി​യ തോ​തി​ല്‍ മ​ണ്ണ് ഇ​നി​യും കു​ത്തി​യൊ​ലി​ച്ചി​റ​ങ്ങു​മെ​ന്ന പേ​ടി​യി​ലാ​ണ്. മ​ണ്ണി​ല്‍ പു​ത​ഞ്ഞു നി​ല്‍​ക്കു​ന്ന വ​ലി​യ പാ​റ​ക്ക​ല്ലു​ക​ളും താ​ഴേ​യ്ക്കു വ​രു​മെ​ന്ന ഭീ​തി​യി​ലാ​ണ് പ്ര​ദേ​ശ​വാ​സി​ക​ള്‍.